Este libro, conducido polo profesor e crítico literario Ramón Nicolás , o mellor coñecedor da obra de Lueiro , compila as colaboracións xornalísticas de tema grovense que foi espallando ao longo da súa vida. Nelas, o autor de O sol na crista do galo repara, coa súa particular e intransferible visión, en múltiples aspectos do Grove: algúns deles sorprendentes e imaxinativos, outros críticos e reivindicativos, que afondan na memoria e na súa importancia, trazos todos eles inherentes á súa prosa.