Cara á fin da luz, novela de carácter fantástico, desenvólvese a partir da noite que cae sobre o misterioso e esquecido pobo de Nova Israel. Dous rapaces vense obrigados a permanecer alí varios días e serán testemuñas da estraña atmosfera que semella rodea-la aldea e os seus habitantes. Un diario e un curioso personaxe que aparece nos seus soños, daránlle-la clave dun terrible secreto que se remonta cen anos atrás. Entrementres, un estraño ser obsérvaos dende as sombras. Mais o tempo vaise acabando, e a eclipse achégase... Novamente un círculo máxico de fantasía.