Unha exploración, un poemario que invita ao lector ou lectora a viaxar coa autora por paisaxes novas e íntimas. Este libro é distinto aos que Yolanda Castaño ofrecera antes, un punto e á parte na súa obra. Ela mesma o cualifica de atípico. O libro da egoísta é un retrato ou busca interior que é tamén simulación, labirinto, retratos e rostros múltiples, tantos coma mulleres e seres humanos hai, tantos coma lectores.