¿É Rosalía de Castro a mesma autora hoxe que hai cen anos? ¿En que cambiou a lectura da súa obra? ¿Cómo mudaron os códigos de interpretación, as interferencias que actúan sobre o texto, as expectativas, os lectores? Antón Risco, profesor da Universidade Laval, no Quebec, ofrécenos nestas páxinas unha importante reflexión sobre a obra literaria e a súa interpretación crítica, sobre os mecanismos de creación e lectura (as múltiples lecturas posibles, tantas coma lectores, que son outras tantas recreacións), sobre os clásicos e a contemporaneidade.De Apollinaire a Pondal, de Petrarca a Cunqueiro, de Michel Butor a Méndez Ferrín, cada obra propón ó lector un pacto (un contrato) do que o autor é só parcialmente responsable, pero que debemos coñecer, pois unicamente dende a súa comprensión e aceptación seremos quen de valorar axeitadamente a verdadeira dimensión dos textos.