A crítica literaria e poeta María do Cebreiro preséntanos, neste volume, unha fermosa e completa antoloxía das letras de cancións interpretadas por mulleres afroamericanas. Damas negras é un paso máis que a colección Ablativo Absoluto dá por entender a poesía coma unha arte incorporada á vida e á cotianidade. Damas negras é unha antoloxía que se centra no panorama das letras de cancións interpre-tadas por mulleres da tradición afroamericana. Do Blues a Soul e o Gospel, do Jazz (a música clásica do século XX) ao Pop e ao Rock, da canción de autora ao Rap e o Hip-Hop, Damas negras é un percorrido poético fermoso, sensible e, sobre todo, contemporáneo, polas voces máis fermosas e atractivas do século, un percorrido a través das cantantes antologadas que fan súas as letras que interpretan.