Un diccionario de verbos clásico e un programa informático novidoso que permite a conxugación e a análise verbal, así como a reproducción oral mediante voz sintetizada. O Diccionario de Verbos Galegos Laverca é un instrumento atractivo para facilitar a aprendizaxe da morfoloxía verbal galega.LAVERCA é un programa composto por un conxugador verbal e un analizador de formas verbais. Presenta como principal novidade a incorporación de voz sintética, feminina e masculina, que se utiliza para a lectura dos verbos que se presentan en pantalla. Esta ferramenta permite a conxugación dos verbos galegos a partir do seu infinitivo, así como a análise (tempo, modo, persoa, clase) de calquera forma do paradigma verbal. En LAVERCA están incluídos tódolos verbos normativos recollidos no Vocabulario ortográfico da lingua galega (VOLGA). Pero tamén se incorporan algúns verbos e algunhas variantes dialectais de uso bastante frecuente (por exemplo, arrepañar, esvaer, zazamelar, etc) ás que non se lles deu entrada no VOLGA. Cando a flexión dun verbo permite máis dunha forma, recóllense tódalas variantes posibles (tedes / tendes, vide / vinde, etc).