O libro é continuación do titulado Un robot pequeno, do mesmo autor e publicado nesta mesma colección. Alí, Sabela e Fermín, un matrimonio novo, constrúen no seu laboratorio un pequeno robot, un SF-2, que pode solucionar grande cantidade de problemas, pero que sobre todo ten unha característica moi peculiar: só se pode comunicar cos seres humanos que teñan menos de once anos.O robot é coma un rapaz novo, xa que sempre anda a facer trasnadas, escapando do laboratorio onde vive. Un día que a parella o deixa só no laboratorio, foxe de alí e coñece na rúa a un rapaz portugués orfo co que fai bo caldo; máis tarde lévao á súa casa para que Fermín e Sabela poidan axudalo.