Eraztunen Jauna trilogiaren bigarren liburukia da Bi dorreak, Eraztunaren Gudaren historiaren bigarren zatia. Eraztunaren Elkartea ezinbestean bananduta, elkartekideek Dorre Ilunera iritsi arte pasa behar dituzten gorabeherak eta arriskuak ditu hizpide. Bidaiak, beraz, aurrera segitzen du. Fantasia epikoaren aitzindaria eta gailurra da lan hau. Mundu guztiko haur, gazte eta adin guztietako irakurleak liluratu ditu dagoeneko eta, nolabait, mito bihurtu dira hobbitak, elfoak, nanoak, orkoak eta liburu honetako gainerako izakiak. Saruman eta Sauron. Orthanc eta Mordor. Bi botereek bat egin dute Frodo Zorrozabalek daraman Eraztuna berreskuratzeko, eta hobbitarentzat ez da erraza izango bi dorreen itzalari ihes egitea.