Eskolarako bidean, neska-mutiko batzuek elizako atea jo zuten, kox-kox. Eta eskale itxurako agure bizarzuri bat atera zitzaien. Hura ustekabea! Agure hark ipuinez eta poemaz betetako koaderno bat eman zien neska-mutikoei. Hementxe dauzkazu koaderno hartako kontuak: zaldi beltz baten gainean ibiltzen zen Lazedemon pertsonaia beldurgarria, porru eta arrautza ustelekin egindako gerra, Miel Eztin sukaldari xelebrea, oporretara joan nahi zuten abereak... Baina nor ote zen eskale itxurako agure bizardun hura?