Xabier P. Docampo propón aos lectores unha narración engaiolante que explica as razóns polas que unha illa anda polo mar adiante desde non se sabe cando, unha historia desas moi vellas, a dun home que tivo todo o mar dentro da cabeza. Un conto de tres noites forma parte desa rede de historias que nos explican a vida, porque ningún castigo merece ser eterno, porque ningunha culpa é imperdoable. Xabier P. Docampo confesa, ao inicio deste conto marabilloso,a súa identidade chairega e a súa señardade do mar. Quizais por esta característica propón aos lectores unha narración engaiolante que explica as razóns polas que unha illa anda polo mar adiante desde non se sabe cando, unha historia desas moi vellas, a dun home que tivo todo o mar dentro da cabeza. Iso é o que o Visito conta durante tres noites, a historia do rei Gaoth, guerreiro valente e astuto, vencedor en centos de batallas, que tivo o mar dentro da súa cabeza. Dende o miradoiro dunha altísima torre, contruída na beiramar, Gaoth esculca arreo o mar, enxergando cada sombra que as nubes debuxan na tona da auga, ata identificar a presencia dunha illa dunha cor verde intensa que apareceu no mar sen advertencia nin explicación ningunha. Un conto de tres noites forma parte desa rede de historias que nos explican a vida, porque ningún castigo merece ser eterno, porque ningunha culpa é imperdoable. Conto ilustrado coa xenialidade a que nos ten afeitos Xosé Cobas. Xabier P. Docampo (Rábade, 1946) deuse a coñecer como narrador en 1986 coa publicación da novela O misterio das badaladas e coa colección de relatos, escritos entre 1979-1984, Cun ollo aberto e outro sen cerrar. Dende aquela publicou unha extensa obra literaria, que o acreditan como un dos autores máis recoñecidos da literatura infantil galega e da narración ensarillada na tradición do conto de tradición oral, da que podemos citar obras como: A chave das noces (1987), novela negra de ambiente urbano galego; A nena de auga e o príncipe de lume (Xerais 1988); O armario novo de Rubén (Xerais 1989); A casa do porco bravo e Roxelio e a couza (Xerais 1991); O país durminte (Xerais 1993); Cando petan na porta pola noite (Xerais 1994), Premio Rañolas 1994 ó mellor libro galego editado nese ano, Premio Nacional de Literatura Infantil (1995) e elixido para a