Fr. Martín Sarmiento (Vilafranca do Bierzo, 1695 ? Madrid, 1772) é un dos maiores pensadores do século XVIII español e galego, pero o ineditismo da súa obra (non publicou máis que a Demostración Crítico Apologética...) dificultou e dificulta o seu coñecemento. Autor preocupado por tódalas ciencias humanas: Semiótica, Pedagoxía, Etnografía, Dereito... deixa en todas elas importantes aportacións. O conxunto da súa obra ?fragmentaria, corrosiva, científica- é producto dun humanismo naturalista, sustentado en investigacións e observacións empíricas.A filosofía ilustrada de Fr. Martín Sarmiento é a primeira lectura filosófica sobre este autor. Pretende dar a coñecer algunhas das súas orixinais contribucións ó pensamento do século XVIII, século de luces e antiluces, e recuperar a unha das nosas ilustres figuras para ubicala na mellor tradición do pensamento español e galego, na tradición do pensamento emancipatorio.