Dous rapaces e dúas rapazas, bos amigos, deciden ir pasar uns días de excursión en bici e de acampada. Van cun rumbo fixo e cunha intención precisa: chegar ós Altos Cotos preto da Lagoa Branca, onde esperan atopa-lo froito de neve azul, do cal-e das súas marabillosas propiedades- tiñan escoitado falar ó fareiro da Illa das Pescadas. No camiño terán que vivir moitas aventuras nas que figuras das lendas e os cantos se cruzarán con eles, ás veces para poñerlles atrancos, outras para lles proporcionar axuda.