Oitenta e unha propostas do desintegrista: ¿que vén sendo tal cousa? Difícil definir o que de seu se resiste á definición, absurdo poñer valados nos espacios inconmensurables da arte (da arte pola arte, pois claro que si). Resulta obvio xa falar da abolición das fronteiras xenéricas a estas alturas da Historia (si, con maiúscula, malgré algúns), mais este é quizais o trazo máis característico do actual discurso literario dun primeiro mundo que fai da subversión artística unha forma de limpar a mala conciencia.