Josu Jimenez Maiak idatzia da lehen saria irabazi duen ipuina, Belearen begi beltza, Iraultza garaiko Mexikon giroturiko kontakizun dotore eta ongi biribildua, Historiaren jirabirei, botereari eta indarrari buruzko gogoetak piztu dizkiguna. Inaxio Lopez de Arana izan da bigarren sariduna, Burdinen artetik ihesi ipuinari esker. 1936ra garamatza istorio honek, Gerra Zibilaren hasieran faxistek egindako fusilamenduen inguruko gertakari erreal bat kontatzeko. Izan ere, ipuin honetako Galarretako Amerikanoa egiaz existitu zen, eta harengan oinarritu zen Bernardo Atxaga ere, Soinujolearen semea eleberriko pasarte baterako. Jon Aiastuik eraman du 3. saria, Itzalaren kolorea ipuinarekin, non berritsu baten jaio etengabe, xelebre eta txinpartatsua eskaintzen zaigun.