As viaxes de Gulliver publicáronse por primeira vez no ano 1726. Fíxose de seguida moi popular e, amais de senta-lo máximo precedente clásico da literatura de ciencia-ficción e social-ficción, rebordou as fronteiras da literatura para pasar a formar parte da mitoloxía. E isto conséguese cunhas claves indispensables a sátira, a ironía, a burla e o sarcasmo, a relatividade do punto de vista, a perspectiva, o argumento ferinte pero amablemente exposto... todo adobiado cun envexable sentido do humor.