Coincidindo cos 25 anos da publicación de Retorno a Tagen Ata de X. L. Méndez Ferrín, editada por vez primeira no ano 1971 na colección ?O Moucho? de Edicións Castrelos, Xerais recupera este emblemático texto ferriniano para a súa colección Narrativa. X. L. Méndez Ferrín creou en Retorno a Tagen Ata unha xeografía imaxinaria ?Anatí, Tagen Ata, Terra Ancha? co obxecto de aproximarse poética e fantasticamente a certas tensións que se producen a finais dos anos 60 entre o nacionalismo galego do exilio-emigración en América e o do interior, e mais as relacións de conflicto entre o Estado español e a nación asoballada.