Un volume no que se realiza un completo percorrido biográfico sobre a figura ho-menaxeada no Día das Letras Galegas 2001. Unha análise detallada da súa obra lírica, xornalística e da súa contribución lexicográfica, recollida no monumental Diccionario Enciclopédico Gallego-Castellano. Neste volume, preparado polo profesor Marcos Valcárcel, analízase a súa obra literaria no contexto do seu tempo histórico e as súas aportacións dende o xornalismo galego, especialmente en El Noroeste da Coruña, e desde a presidencia da Real Academia Galega, onde fixo un labor regaleguizador moi relevante. Ademais estúdiase a súa obra como lexicógrafo, "apañando" de vagar novas palabras e ditos populares ata dar cabo ó seu Diccionario Enciclopédico Gallego-Castellano, obra póstuma en tres tomos (1958-1962), auténtico tesouro sobre a nosa fala popular que foi tamén fonte fundamental de enriquecimento lingüístico para todos os nosos escritores desde a súa publicación e que, de seu, xustifica o mías que merecido recoñecemento que Galicia lle dedica.