Phileas Fogg, nobela honetako pertsonaia nagusia, gizon serio eta misteriotsu samarra bera, Londreseko Reform-Clubeko bazkidea zen, eta apustu bat egin zuen bere lagunekin: baietz laurogei egunetan munduari itzulia eman. Oso lan zaila garai hartan, 1872. urtean. Passepartout morroi prestua lagun harturik eman zion hasiera Fogg jaunak bidaia harrigarri hari. Hamaika traba eta eragozpen izango ditu bere helburua lortzeko, batez ere Fix izeneko polizia zital baten aldetik. Abentura, intriga, umore printzak, maitasun historia... hori dena eta gehiago aurkituko duzu, irakurle, Jules Verneren nobela zirraragarri honetan.