Novela breve, pero intensa, desenvolve nos seus tres capítulos a desafortunada historia de Martín que se verá involucrado en dous homicidios involuntarios que marcarán traxicamente toda a súa existencia. O destino xoga con Martín, poñéndolle nas mans unha recortada e enfrontándoo a un fuxido da xustiza nos seus anos mozos. A partir dese intre a arma converterase no seu sinal de identidade. Só a lembranza de Mariña, a que fora a súa mestra e fonte dos seus soños adolescentes, lle dará pulos para resistir. Pero outro atranco do destino deixará pegadas de morte ás súas costas, condenándoo definitivamente a ser unha víctima das circunstancias. Unha novela sobre o sentido tráxico da existencia, tecido sobre unha inquebrantable historia de amor.