Unha xornalista con moito o cio, María José Lorenzo, nada en Pontecesures, asina un libro sen pretensións literarias, lineal pero intenso, de moi doada lectura e dunha e cacia sorprendente para contar unha historia humana que non pode deixar a ninguén indiferente.Un relato en primeira persoa no que unha rapaza como outra calquera, perruqueira en Arcade, que casa e vai de lúa de mel a Cancún (México), se ve inmersa nunha peripecia vital propia dunha película. Primeiro o cárcere, coa desesperación do inocente que non pode facer valer os seus dereitos e que nesa impotencia se sinte morrer. Despois, a solidaridade mundial e a ledicia da liberación. E, por n, a fama tinguida de polémica na que se mesturan consideracións de todo tipo, desde o dereito de Ana María Ríos a amosarse en topless (de forma tan natural como o faría na praia) na portada da revista Interviú, ata as consideracións morais máis cavernícolas ou o rexeitamento que provoca esa utilización do corpo feminino. Toda a historia, cos feitos, as re exións, os medos e as alegrías en cada momento ao longo duns meses nos que Ana María pasou de cote do desexo de morrer aos intres máis felices.