Unha escolma que recolle relatos dos escritores que marcaron a década dos 80 nas letras galegas, cunha nova concepción do conto, aberta e fragmentaria como a vida que trata de representar. Este libro reúne a quince dos autores máis relevantes da década de 1980, que seguen sendo hoxe en día figuras destacadas da nosa narrativa. Manuel Rivas, Suso de Toro, Carlos G. Reigosa, Víctor F. Freixanes, Xosé Ramón Pena, Ramiro Fonte, Miguel-Anxo Murado e Carmen Panero entre outros forman parte desta antoloxía.