Eskutan duzun nobela honek Osanbo afrikarraren abenturak eta atsekabeak kontatzen ditu, askatasunetik esklabutzarako bide latzean eta esklabutasunetik askatasunerako latzagoan. Hasieran, Ganbiako biztanle beltz hauek ibai zabalaren ertzean azagutuko ditugu, laborantzan eta ahuntzak zainduz, herri xehe baina zoriontsu bezala. Baina zurrumurruak gero eta ozenagoak egingo dira, izuturik ihes egiten duten gizarajoak gero eta ugariago... Itsasotik etortzen diren gizon zuriek ez dute kupidarik, eta harrapatzen dituzten beltzak errukirik gabe eramango dituzte, kateaz loturik bizitza osorako esklabu. Esklabu-trafikatzaileen eskuetan eroritako gizon eta emakume talde baten historia kontatzen digu Aitor Aranak liburu honetan, abentura liburuetan agertu ohi diren osagai guztiekin: bahikuntza, untziraketa, matxinada, ekaitzak, gosetea, lur berrietara iristea, esklabutza, ihesa...