Viale Moutinho é un poeta, narrador e xornalista vinculado a Galicia polo seu coñecemento da nosa cultura, e mais pola súa intención manifesta de saltar por riba das fronteiras políticas para irmandar o que xa está dende sempre irmandado na historia e na continuidade física e humana dos mundos galego e portugués. Traductor de Neira Vilas, Castelao, Lamas Carvajal ou Manuel María, e autor de textos políticos -Introduçao ao Nacionalismo Galego (1973)- e poéticos -De foice erguida (1978)-, a súa actividade en relación con Galicia non representa soamente un xesto de amizade, senón a proba do seu amplo e xeneroso afincamento na cultura global que nos une.Sen embargo non é a causa do seu sincero achegamento a Galicia, senón principalmente pola riqueza da súa extensa obra poética e narrativa, polo que Viale Moutinho se ten convertido nunha referencia fundamental da literatura portuguesa para os lectores desta banda do Miño.