Raquel non quere ir ó colexio porque a súa clase é moi triste e ela pásao moi mal alí. Un día o ceo trae unha novidade: unha nube de cores que contén no seu interior unha enorme sorpresa. Aproveitando as posibilidades do pensamento fantástico característico dos nenos da idade ós que vai dirixido o texto, o autor tira partido da continuidade entre realidade e imaxinación para amosar que a literatura debe ter en conta o mundo dos rapaces e non seren os rapaces os que se adapten ós libros. Velaquí, pois, unha parábola (con mensaxe) sobre o mundo da escola.