A obra gañadora do Premio Blanco Amor de Novela 2001 reflicte a vida dunha muller nova e diferente, producto da realidade social e cultural das últimas décadas do século XX; un xeito de don xoanismo feminino que irrompe con ela na literatura universal. Tódalas paixóns posibles aparecen nesta novela río na que se contan as historias dunha moza libre, independente e amoral fronte á sociedade moderna. Martázul é unha muller que seduce, conquista e abandona nun remuíño de vivencias onde a promiscuidade, as infidelidades, o erotismo e os sentimentos se mesturan coa reflexión sobre o sentido real da vida, da arte, da literatura, do amor, das paixóns. no tempo presente.