Un proxecto de lectura progresiva destinado ós nenos e nenas que comezan a ler. Concibido e realizado para se adaptar ás necesidades de ensino da lectura, este material destaca polo seu carácter motivador e lúdico. Partindo dunha lámina inicial motivadora a dobre páxina, aparecen logo nas marxes por separado os diferentes elementos que integran a lámina e cos nomes de cada un dos diferentes elementos para facer máis fácil a aprendizaxe do vocabulario. No pé de páxina aparecen frases que guían ós nenos e nenas e explican que están facendo os diferentes elementos que compoñen a lámina para unha mellor comprensión. A natureza. Os nenos e nenas aprenden a respectar e a diferencia-los diferentes lugares: a vila, o bosque, o río, o mar, o campo, a praia, a montaña, o bosque e o lume, o mar e a pesca, o interior do bosque, a neve.