De temática e ambientación gótica, que nos transporta á Galicia do s. XIX e supón un novo achegamento ao tema do dobre (rastrexable na literatura xa desde a Idade Media), vólvese actualizar o xa clásico enfrontamento do Ben fronte ao Mal que atopamos profusamente na tradición literaria decimonónica. No libro nárrase a orixe da misteriosa maldición caída sobre a liñaxe imaxinaria dos Soutomaior de Tristemil. A historia, que se remonta ao s. XIV, afunde as súas raíces no crime habido entre dous irmáns xemelgos en pugna pola posesión do morgado, o que traerá como consecuencia a acelerada decadencia desta rama familiar e dos seus descendentes