EGAren arduraren barruan, agiri-emankizun honetarako prestatzen dituen azterketa-materialak argitaratzeari ekin zion hasieratik beretik. Material hauek plazaratzean, emandako pausoen testigantza zuzena eskaintzeaz gainera, besterik ere izan dugu xede nagusi: EGA azterketa egiteko ikasten ari direnen eskueran tresna egokia jartzea. Asmo honi jarraituz, oraingoan hamahirugarren alea ematen da argitara. Bi urteko bilketa-formulari eutsiz, 2007ko eta 2008ko azterketak bildu dira hemen. Liburu honekin batera saltzen den Cdan jasota daude bi urteotako Atariko Probetan et Proba idatzietan erabili diren entzutezko ulermeneko eta ahozkoaren ulermenekoak. Urtean bitan egiten dira EGAko deialdiak. Urtean zehar gutxienez hamazazpi urte betetzen dituen edonork eman dezake izena Hezkuntzaren Ordezkaritzan, Bilbon, Donostian edo Gasteizen.