Dorretzar abandonatuko mamua festa batera gonbidatu dute, baina maindirea zikin-zikina dauka. 400 urte badira garbitzen ez duela! Eta hori bai arazo larria: ez daki arropa garbitzen. Nork lagunduko ote dio? Maleta magikoa, letra magikoaren ondoren, beste urrats bat da haurrak irakurketan aurreratzeko egiten duen bidean. Punta-puntako 15 idazlek eta beste 15 marrazkilarik egituratzen dute 6-7 urteko haurrentzako sail hau.