Eliak bi neba-arreba ditu eta aita zoragarri bat, ama hil egin baitzitzaion orain dela urte batzuk. Eta orain, berriz, beste emakume bat dabil aita endredatu eta bere bizitzan sartu nahian. Eliak ez du halakorik nahi, inola ere. Istorio hunkigarri eta sinisgarri honen egilea, Fina Casalderrey (Pontevedra, 1951), haur eta gazte literaturako puntako idazlea da Galizian, hainbat sari irabazitakoa (Merlín, Edebé, Barco de Vapor, Espainiako Sari Nazionala) eta hizkuntza ugaritara itzulia dagoena. Euskaraz, besteak beste, liburu hauek ditu: Txakurra daukagu etxean, eta zer?, Puf!, hau nazka!, Bi malko Makinarengatik.