Cada un dos libros de Xurxo Borrazás sorprende ao descubrir trazos inesperados na historia que conta. Na novela esborrállanse as fronteiras entre ficción e realidade. Un escritor, sexo en internet, unha aldea abandonada, un amor non convencional... e os que están do outro lado: o xurado dun premio, os lectores, as lectoras. Pode ser actuación, xogo e finximento, ou non. Por iso esta novela relata a historia da súa propia creación, cóntase a si mesma. Porque a literatura tamén é real.