Teatro ás tres pancadas do portugués Antonio Torrado recolle sete pezas para representar por grupos de teatro escolar. Un libro que tenta responder dunha soa vez a varias preguntas que en diversas ocasións lle teñen dirixido ó autor: �¿E logo non terá unha peciña dispoñíbel para nós representarmos na nosa Escola?� ou �¿Pode darnos unha peza para o noso grupo itinerante que non comporte moitos actores?� ou �Precisamos unha peza de montaxe doada, ¿Ten algunha a man?�. Antonio Torrado, un dos máis importantes autores da literatura infantil portuguesa, tenta responder a todas esas preguntas con este Teatro ás tres pancadas. Torrado ofrece sete pezas (�Serafín e Malacueco na corte do rei Escama�, �A raposa e o corvo�, �Historia dun papagaio�, �Velaí vén o paisano das moscas�, �Olla o paxariño�, �Os catro pés do trono� e �As tres cabazas�) que pola orde de presentación no libro, avanzan do máis simple e carente de pretensións para o igualmente simple e carente de pretensións, pero non tanto. Tódolos espectáculos que se propoñen no libro dispensan, na súa exposta desafectación, do aparato das luces de escena e aos suntuosos figurinos. En palabras de Torrado só non dispensan unha cousa: �o pracer irresistíbel de inventar o Teatro, de crealo, en alegre comuñón de actores e público, convocados para a festa ao bater solemne das tres pancadas de Molière�.