Este libro consta de cinco relatos nos que a protagonista é sempre unha rapaza cos problemas e vivencias desa idade fronteiriza en que remata a infancia e comeza a adolescencia.Visitante das estrelas é un conto de ciencia-ficción. Unha extraterrestre vén á Terra e métese no corpo de Laura. Dende ese observatorio privilexiado, analizará a vida dos humanos e verase envolta nos conflictos sentimentais e ideolóxicos de Laura.Unha pedra na area conta a historia de Alba, unha rapaza que atopa unha estraña pedra durante un paseo pola praia. Esa pedra axudaralle a resol ve-los seus conflictos sentimentais.Un curso con Ana é un conto en que, a través de múltiples voces, imos coñecendo o revulsivo que supuxo a chegada de Ana a un centro de ensino caracterizado pola pervivencia de comportamentos sexistas.A primeira meta sucede no tempo que dura unha carreira de campo a través. Mariña, a rapaza que a gaña, vainos contando todo o que fixo falta para que fose posible ese momento.Dúas rosas murchas é o relato máis longo do libro. Carme suspende varias asignaturas e os seus país mándana estudiar á aldea no verán, á casa dos avós. Unha vez alí, a rapaza empeza a senti-la presencia do seu amigo Pablo, que morrera afogado no río o ano anterior, e que parece querer comunicarse con ela. Esta presencia vaise facendo máis intensa, ata chegar a un sorprendente remate.