Marrubi soro handi batean, txano gorri eta deigarri baten azpian, Balduf gnomoa zegoen atsedena har-tzen. Tripan hazka egin eta buruan tximeletak bezala jirabiraka zebiltzan hausnarketak utzi ondoren lo sakon batean erori zen. Ordu batzuk geroago, ordea, hotzak akabatzeko zorian esnatu zen plastikozko ontzi baten barruan, marrubi mamitsuzko koltxoi baten gainean. --Baina... baina... zera... hara... hozkailu batean nago eta! Gnomoak ezin zuen imajinatu nola ailegatu zen han barrura.