Maisu berria , Grigor eta erlearen ipuinen bosgarren liburua da. Beste pertsonaia ezagun batzuk ere ageri dira, koadrila osatuz: Arranke, Ainhoa eta abar. Ikasturtearen hasieran, maisu berria dute eskolan, biboteduna, zakarra; harengandik ihesi, gelako haurrek abentura harrigarri bat biziko dute, beste mundu batera sarturik, Alizia lurralde miresgarrian barneratu zen bezala, Gulliver Liliput lurraldera iritsi zen bezala. Auzoan, jendea larri dago, haurrak desagertu direla eta.