Berrogeita sei urterekin erail zuten Isaak Babel idazlea Stalinen indarrek 1940an, botere sobietarren alde agertu zen arren. Ordura arte baina, makina bat lan egindakoa zen. Ukrainako familia judu bateko semea, errusieraz gain, yiddish-a eta frantsesa hitz egiten zituen. 1917ko iraultza gertatu aurretik, hainbat ipuin argitaratu zituen Maxim Gorkiren Letopis aldizkarian. Garaiko agintari tsaristek moral-galgarritzat jo zituzten ordea, eta Babelek idazteari utzi zion bolada batez, kazetari gisa eta Armada Gorrian jarduteko. Sobietar Armadak 1920an egotzi zituen poloniarrak Ukrainatik, eta garai hartako oroitzapenetan oinarritua dago Olga Martinez de Marigortak eta Roberto Serranok euskaratu duten Babelen Zalditeria Gorria .